nazar al qatari

Nazaralgatari oficial website

nazar al qatari official website

No results found

Nazaralgatari oficial website

nazar al qatari official website

ثار الضلع وينه | جديد نزار القطري | مدينة سربندر الايرانية

13


نسأل يمهدينه *** ثار الضلع وينه
شتجاوب اللي ناشدك *** ثار الضلع وينه
****
بعيد وليل هجرك ما يطر صبحه
وعلينه الدنيا دارت ديرة الرحه
إذا جنه بحلم يمته الجفن يصحه
تره شفرة غيابك ذبحت الفرحه
ننتظرك بلهفه *** جروح القلب كلفه
يمته العيون تشاهدك *** ثار الضلع وينه
****
يطيف امن الأمل بي نكحل الناظر
ويا حلم الأمس يا فرحة الباجر
تظل يا حجة الله ليا زمن صابر
مته بغرة جبينك تجبر الخاطر
ثارك يناديلك *** جم دوب أتانيلك
ليمته انتظارك يبعدك *** ثار الضلع وينه
****
نكول اليوم باجر سيدي تظهر
نتاني وننتظر بس أنت ما تحضر
عليك يهون ثار الضلع التكسر
متى تكوم وتجرد سيفك وتثأر
للموعد نتاني *** تقتص من الثاني
ما ندري يمته موعدك *** ثار الضلع وينه
****
عله المحنه النبي وصه علي بصبره
ويشوف بعينه دفع الباب والسطره
يغايب يا وكت خاطر علي اتجبره
وتطالب ثار ضلع الطاهره وكسره
ينتظرك ايشوفك *** متجرده اسيوفك
تقتص من الغصبوا فدك *** ثار الضلع وينه
*****
عله جمر الصبر طول الوكت محزن
عله امصيبة كسر ضلع البتول اتون
مهجنه تنتظر عن طلعتك تعلن
تنادي يا لثار الزهره والمحسن
عجل يوالينه *** اي والله ملينه
عين المحب تترصدك *** ثار الضلع وينه
****
نظل ليا وكت نتنطر أنوارك
إلك ملهوفه هاي كلوب أنصارك
بغير السيف ما ظن تنطفي نارك
يراعي الثار انهض طالب بثارك
أنصارك تنادي *** يا مهجة الهادي
من كال أنت لوحدك ؟ *** ثار الضلع وينه
****

للشاعر ابو كرار البدراوي