عباس ... لا تكشف لثامك عباس ... من يبقى أمامك ** أذنت أذان المرجله ... هل من منازل؟ خرست زلمها ورد صدى ... لا يا بو فاضل الكل رددوا هذا غضب ... من الله نازل هنيال زينب بت علي ... صرت الها كافل فتاك ... قم روي حسامك عباس ... من يبقى أمامك *** سلطان سوح المعركه ... تمشي اعله كيفك کل هامه لازم تنحني ... من يحچي سيفك مضياف حتى بالحرب ... عامر مضيفك الموت انبهر حين النزل ... حاديه ضيفك ظمآن ... لم تروي أوامك عباس ... من يبقى أمامك *** بلثامك ارسوم الوجه ... خليها تخفه ما يبقى غيرك بالحرب ... لو بس تكشفه هو الأسد من شمرته ... الوادم تعرفه بس الجثث بالمعرکه ... ایخلیها خلفه مغوار ... يخشون اقتحامك عباس ... من يبقى أمامك *** أتحده فارس من تطب يثبت مكانه سل صارمك خل الشمر يخرس لسانه لو ناشدوك أنته علي؟ إي گلهم آنه !! أنته الگمر هيبة مضر حيدر زمانه للدين ... سورا قد أقامك عباس ... من يبقى أمامك؟ *** بالليل إذا شع الگمر ... يمحي ظلامه وأنته اللي عسكر ينمحي ... ابجرة حسامه بس ما تقوم ابكربلا ... اتقوم القيامه حتى الأجل بالطف صبح ... بيدك زمامه والله ... لن يدنوا إمامك عباس ... من يبقى أمامك؟ *** بعيونك، ابقلبك أخو ... من روحك أغله ميت ظمه وبيدك نهر ... بديته لجله اتناديه إمامي سيدي ... وتگله: مولى بآخر نفس من دنيتك ... يا (خويه) گتله ويلاه ... ما أقسى حمامك عباس ... من يبقى أمامك؟ عمر فاروق البدراوي